При выборе изображения помните: оно должно быть свободным! Тематика строго связанная с подводными лодками.
При задании размеров изображения устанавливайте ширину не более 360px, а при вытянутом вертикально изображении, так чтобы высота не превысила 300.
Днесь, благовернии людие, светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом/ и избави нас от всякаго зла, молящи Сына Твоего, Христа Бога нашего, спасти души наша.
Дева днесь Пресущественнаго раждает, и земля вертеп Неприступному приносит, Ангели с пастырьми славословят, волсви же со звездою путешествуют, нас бо ради родися Отроча Младо, Превечный Бог.
Общее воскресение прежде Твоея страсти уверяя из мертвых воздвигл еси Лазаря, Христе Боже. Тем же и мы, яко отроцы победы знамения носяще, Тебе Победителю смерти вопием: оса́нна в вышних, благословен Грядый во имя Господне.
Запечатану гробу, живот от гроба возсиял еси Христе Боже, и дверем заключенным, учеником предстал еси, всех Воскресение: Дух Правый теми обновляя нам, по велицей Твоей милости.
Силою Божественною, иногда разслабленнаго словом Твоим Христе стягнувый, и повелевый ему одр взяти, многим временем немощствующую люте душу мою исцели.
Тако глаголет Господь самаряныни: аще бы еси ведала дар Божий, и Кто есть глаголяй тебе, даждь Ми воды пити, ты бы просила у Него, и дал бы ти пити, да не вжаждешися во веки, глаголет Господь.
Господь вознесеся на небеса, да послет Утешителя миру: небеса уготоваша престол Его, облацы восхождение Его. Ангели дивятся, Человека зряще превыше себе. Отец ждет, Егоже в недрах имать соприсносущна: Дух же Святый велит всем ангелом Его: возмите врата князи ваша, вси языцы восплещите руками, яко взыде Христос, идеже бе первее.
Церкве Христовы светильницы, всея России украшение, святии вси, в земли Сибирстей просиявши, Владыку всех молите мир вселенней даровати и душам нашим велию милость.
Дева днесь предстоит Сыну, руце Свои к Нему простирающи, святый князь Андрей радуется, и с ним Российская страна торжествует, нас бо ради молит Богородица Превечного Бога.
Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.
Днесь возсия неизреченно царствующему граду нашему Москве икона Богоматере, и, яко светозарным солнцем, пришествием тоя озарися весь мир, Небесныя силы и души праведных мысленно торжествуют, радующеся, мы же, на ню взирающе, к Богородице со слезами вопием: о Всемилостивая Госпоже, Владычице Богородице, молися из Тебе воплощенному Христу, Богу нашему, да подаст мир и здравие всем Христианом по велицей и неизреченней Своей милости.
В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.
Предтечево славное усекновение смотрение бысть некое Божественное, да и сущим во аде Спасово проповесть пришествие. Да рыдает убо Иродия, беззаконное убийство испросивши: не закон бо Божий, ни живый век возлюби, но притворный, привременный.
Днесь благоволения Божия предображение и человеков спасения проповедание: в храме Божии ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.
.jpg)
.jpeg)
.jpg)
.jpg)
.jpg)
.jpg)